ໝາກແຕງສາຄູ
ເຄື່ອງປະກອບ : ສຳລັບ 4 ຄົນ
- ໝາກແຕງສຸກງາມໆ (ເນື້ອເຫຼືອງ) : 1 ໜ່ວຍ
- ຄຣີມແຫຼວ : 15 cl
- ໝາກພ້າວຂູດ : 3 ບ່ວງແກງ (1 ບ່ວງເອົາໄວ້ໂຮຍແຕ່ງໜ້າ)
- ນົມຈືດ : 20 cl
- ກະທິໝາກພ້າວ : 20 cl
- ສາຄູ : 50 g
- ນຳ້ຕານ : 25 g
ວິທີເຮັດ ໝາກແຕງສາຄູ
- ຕົ້ມນຳ້ໃຫ້ຝົດ ເອົາສາຄູໃສ່ ໃຫ້ຄົນບໍ່ຢຸດ ປະມານ 3 ນາທີ ແລ້ວເທສາຄູໃສ່ຕະແກງໃຫ້ສະເດັດນຳ້.
- ປະສົມສາຄູ ກັບນຳ້ກະທິ ແລະ ນຳ້ຕານ ຄ້າງໄຟອ່ອນໆ ຄົນບໍ່ໃຫ້ຢຸດຈົນກວ່າສາຄູໄສ ຍົກອອກຈາກເຕົາ ແລ້ວປະໃຫ້ເຢັນ.
- ປອກໝາກແຕງ ເອົາໄນອອກ ແລ້ວຊອຍເປັນຕ່ອນສີ່ຫຼ່ຽມລູກເຕົາ ຂະໜາດ 1 cm ແລ້ວເກັບໄວ້ໃນຕູ້ເຢັນ.
- ຕີຄຣີມໃຫ້ເປັນຟອງ ໂດຍໃຊ້ເຄື່ອງຕີໄຟຟ້າ (ເຫຼັກ ແລະ ຖ້ວຍໃຊ້ຕີຕ້ອງເຢັນ) ເວລາຕີຄຣີມ ໃຫ້ຄ່ອຍເທໝາກພ້າວຂູດລົງໃສ່ເທື່ອລະໜ້ອຍ.
- ເວລາເສີບ ໃຊ້ຈອກປາກກວ້າງ ເອົາສາຄູໃສ່ຈອກ ຕາມດ້ວຍໝາກແຕງ ສຸດທ້າຍຕັກຄຣີມທີ່ຕີເປັນຟອງຢອງໃສ່.
- ໂຮຍໜ້າດ້ວຍໝາກພ້າວຂູດ.
- ພ້ອມເສີບທັນທີ.
