ເຄື່ອງປະກອບ
- ປູ 1 ໂຕ
- ຜັກກາດດອງ 1 ຕົ້ນ
- ຜັກກະເຊ 5 ຍອດ
- ໝາກຖົ່ວຍາວ 5 ໝາກ
- ຫົວສີໄຄ 1 ຫົວ
- ຜັກກາດຂາວ 1 ຫົວນ້ອຍ
- ໜໍ່ໄມ້ດອງ 1/2 ຖ້ວຍນ້ອຍ
- ໝາກເຜັດແຫ້ງໃຫຍ່ 5 ໜ່ວຍ
- ກະທຽມແຫ້ງ 1 ຫົວ
- ຜັກບົ່ວແຫ້ງ 5 ຫົວ
- ນຳ້ປາ 3 ບ່ວງແກງ
- ເກືອ 1 ບ່ວງຊາ
- ກະປິ 1 ບ່ວງຊາ
- ແປ້ງນົວ 1 ບ່ວງຊາ
- ໝາກຂາມປຽກ 3 ບ່ວງແກງ
ແກງສົ້ມປູ
ການກະກຽມ
ລ້າງປູໃຫ້ສະອາດຕັດເປັນຕ່ອນ, ຜັກກະເຊລ້າງໃຫ້ສະອາດ ເດັດເອົາແຕ່ຍອດອ່ອນ, ຖົ່ວຍາວ ລ້າງນຳ້ຕັດເປັນຕ່ອນສັ້ນພໍດີ, ຫົວສີໄຄປອກກາບອອກລ້າງນຳ້ຊອຍເປັນຕ່ອນສະຫຼຽງ, ໜໍ່ໄມ້ດອງ, ຜັກກາດຂາວຊອຍເປັນຕ່ອນພໍດີ, ໝາກເຜັດແກະແກ່ນອອກແຊ່ນຳ້ໃຫ້ອ່ອນຟັກໃຫ້ແຕກ, ຫົວຜັກບົ່ວ, ຜັກທຽມແກະກາບອອກ ຕຳໃຫ້ແຫຼກໃສ່ກັບໝາກເຜັດ, ກະປິເປັນເຄື່ອງແກງ.
ວິທີປຸງແກງສົ້ມປູ
ເອົານຳ້ໃສ່ໝໍ້ຄ້າງໄຟໃຫ້ຟົດ ເອົາຫົວສີໄຄໃສ່ ພ້ອມດ້ວຍໜໍ່ໄມ້ດອງ, ພໍຟົດໝາກເຜັດພໍລະ ລາຍແລ້ວເອົາປູໃສ່ ພໍປູສຸກໃສ່ຜັກກາດດອງ, ໝາກຖົ່ວຍາວ, ຜັກກາດຂາວ ຂົ້ວໃຫ້ທົ່ວໃສ່ຜັກກາດເຊ ປຸງລົດໃຫ້ພໍດີອອກລົດສົ້ມ ຕັກໃສ່ຖ້ວຍຮັບປະທານຮ້ອນ.
