ເຄື່ອງປະກອບ
- ໄກ່ ຫຼື ໝູ: 1 ກິໂລ
- ໝາກພ້າວຂູດ: 1 ກິໂລ
- ໝາກເຂືອ: 10 ໜ່ວຍ
- ໝາກແຄ້ງ: 1 ຖ້ວຍໜ້ອຍ
- ໃບໝາກເຜັດ: 0.2 ກິໂລ
- ຫອມບົ່ວແຫ້ງ: 10 ຫົວ
- ໝາກເຜັດດິບແດງ: 5 ໜ່ວຍ
- ຫອມທຽມແຫ້ງ: 10 ຫົວ
- ສີໄຄ: 3 ຫົວ
- ຂ່າ: 1 ຫົວນ້ອຍ
- ນຳ້ຕານ: 2 ບ່ວງແກງ
- ນຳ້ປາ: 3 ບ່ວງແກງ
- ເກືອ: 1 ບ່ວງແກງ
- ໃບຂີ້ຫູດ: 5 ໃບ
ແກງຂຽວຫວານ
ວິທີປຸງ ແກງຂຽວຫວານ
ໄກ່ຄົວລ້າງນຳ້ໃຫ້ສະອາດ ຕັດເປັນຕ່ອນໃຫຍ່ພໍສົມຄວນ ໝາກພ້າວຄັ້ນເອົານຳ້ຫົວກະທິຂູ້ໆ ແລະ ນຳ້ປາຍ 3 ຖ້ວຍແກງ ໝາກເຂື້ອປາດຂັ້ວນອອກ ຊອຍແຊ່ນຳ້ ໝາກແຄ້ງລ້າງແລ້ວ ບິຂັ້ວນອອກ ເອົາໃບໝາກເຜົດລ້າງແລ້ວຕຳຕອງເອົາແຕ່ນຳ້ ຜັກບົ່ວ, ຜັກທຽມແຫ້ງ, ສີໄຄ ແລະ ຫົວຂ່າເຄື່ອງທັງໝົດນີ້ປອກກາບອອກ ຊອຍບາງໆຕຳເຂົ້າກັນໃຫ້ລະອຽດ, ໝາກເຜັດດິບແດງຊອຍເປັນເສັ້ນ.
ແບ່ງເຄິ່ງນຳ້ຫົວກະທິຂ້ຽວໃຫ້ແຕກມັນ ເອົາເຄື່ອງຫອມທີຕຳໄວ້ຂົ້ວໃສ່ໃຫ້ຫອມ ເອົາໄກ່ລົງໃສ່ ພ້ອມດ້ວຍເຄື່ອງປຸງຕ່າງໆ ໃສ່ນຳ້ປາຍກະທິຕົ້ມໃຫ້ຊີ້ນເປືອຍ ໃສ່ໝາກເຂືອ, ໝາກແຄ້ງ, ນຳ້ໃບໝາກເຜັດ ໃສ່ໃບຂີ້ຫູດປຸງລົດ ໃຫ້ພໍດີ ແລະ ນຳ້ຫົວກະທິຕັກໃສ້ຖ້ວຍ ເອົາໝາກເຜັດແດງໂຮຍໜ້າໃຫ້ງາມ.