ເຄື່ອງປະກອບ
- ໄຂ່ໄກ່: 8 ໜ່ວຍ
- ໄຂ່ເປັດ: 2 ໜ່ວຍ
- ຖົ່ວຂຽວໜຶ້ງແລ້ວຕຳໃຫ້ລະອຽດ: 1 ຖ້ວຍ
- ນຳ້ກະທິໝາກພ້າວ: 2 ຖ້ວຍ
- ນຳ້ຕານ: 2 ຖ້ວຍ
- ຫອມບົວແດງຈຽວ: 1/2 ຖ້ວຍ
- ນຳ້ມັນພືດ: 3 ບ່ວງແກງ
- ໃບເຕີຍຕັດເປັນຕ່ອນ: 6 ໃບ
ເຂົ້າໜົມໝໍ້ແກງ
ວິທີເຮັດ ເຂົ້າໜົມໝໍ້ແກງ
ຕີໄຂ່ທັງ 2 ຊະນິດລົງອ່າງ ປະສົມໃສ່ນຳ້ຫົວກະທິ, ນຳ້ຕານປະສົມເຂົ້າກັນ ໂດຍໃຊ້ໃບເຕີຍ ຄົນເອົາຜ້າຂາວມາຕອງແລ້ວນຳຖົ່ວທີ່ຕຳໄວ້ລົງໃສ່ ຫຼັງຈາກນັ້ນເອົານຳ້ມັນໃສ່ໝໍ້ຄ້າງໄຟໃຫ້ຮ້ອນແລ້ວ ເອົາສ່ວນປະສົມດັ່ງກ່າວມາກວນໄຟອ່ອນໆ ເມື່ອເລີ່ມຂຸ້ນແລ້ວນຳລົງມາຖອກໃສ່ຖາດ ນຳເຂົ້າເຕົາອົບ ດ້ວຍຄວາມຮ້ອນ 350*C ໃຊ້ເວລາ 30 ນາທີ ຫຼື ຈົນສຸກ ແລະ ໜ້າເຂົ້າໜົມແຮ້ມ ເມື່ອສຸກແລ້ວເອົາອອກຈາກເຕົາອົບປະໄວ້ໃຫ້ເຢັນ ແລ້ວຕັດເປັນຕ່ອນສີ່ຫຼ່ຽມຈັດເສີບ ເອົາຫອມຈຽວ ໂຮຍໜ້າ.
