ເຂົ້າໜົມໄຂ່ໃສ່ອາມ້ອນ
ເຄື່ອງປະກອບ : ສຳລັບ 6 ຄົນ
- ໄຂ່ : 4 ໜ່ວຍ
- ອາມ້ອນຜົງ : 200 g
- ນຳ້ຕານຊາຍ : 180 g
- ເນີຍຈືດ (ເບີ) : 100 g
- ນຳ້ຕານວານີລາ : 1 ຊອງ
ວິທີເຮັດ ເຂົ້າໜົມໄຂ່ໃສ່ອາມ້ອນ
- ອຸ່ນເຕົາອົບປັບຄວາມຮ້ອນໃສ່ 180 ອົງສາ.
- ຕີໄຂ່ໃສ່ ນຳ້ຕານຊາຍ ແລະ ນຳ້ຕານວານີລາ ຈົນເປັນຟອງຂາວ.
- ໃນເວລາດຽວກັນນັ້ນ, ເອົາເນີຍໃສ່ເຕົາໄມໂຄເວບໃຫ້ເປື່ອຍ (ຫຼື ເອົາປະໄວ້ນອກໃຫ້ເປື່ອຍກ່ອນລ່ວງໜ້າ). ເອົາເນີຍເປື່ອຍໃສ່ເຄື່ອງປະສົມທີ່ຕີປະໄວ້. ສຸດທ້າຍ, ເທອາມ້ອນໃສ່ ແລ້ວຄົນໃຫ້ເປັນເນື້ອດຽວກັນ.
- ທາເນີຍໃສ່ໂຮງ (ແມ່ພີມ) ແລ້ວເທເຄື່ອງປະສົມລົງໄປ.
- ເອົາເຂົ້າເຕົາອົບ ໃຊ້ເວລາ 20 ຫາ 30 ນາທີ. ໜ້າເຂົ້າໜົມຕ້ອງເຫຼືອງດີ.
- ລໍຖ້າໃຫ້ເຂົ້າໜົມເຢັນ ແລ້ວເອົານຳ້ຕານຝຸ່ນໂຮຍໜ້າ.
