ເຄື່ອງປະກອ
- ຊີ້ນໝູ 1/2 ກິໂລ
- ສາຄູ 1 ກິໂລ
- ຖົ່ວດິນ 3 ຂີດ
- ຜັກບົ່ວແຫ້ງ 10 ຫົວ
- ນໍ້າຕານ 1 ຖ້ວຍນ້ອຍ
- ແປ້ງນົວ 1 ບ່ວງຊາ
- ເກືອ 1 ບ່ວງແກງ
- ນໍ້າມັນຫອຍ 1 ບ່ວງແກງ
- ສະອິວ 2 ບ່ວງແກງ
- ຫອມບົ່ວໃຫຍ່ 3 ຫົວ
- ນໍ້າມັນພືດ 1 ຖ້ວຍນ້ອຍ
- ສະລັດ 0.2 ກິໂລ
- ໝາກເຜັດນ້ອຍແຫ້ງທອດ 0.5 ຖ້ວຍ
- ຫົວຜັກບົ່ວແຫ້ງທອດ 0.5 ຖ້ວຍ
- ຫອມລາບ 0.1 ກິໂລ
- ພິກໄທ 1/2 ບ່ວງແກງ
ການກະກຽມ
ຊີ້ນໝູລ້າງນໍ້າໃຫ້ສະອາດຟັກໃຫ້ລະອຽດ, ຖົ່ວດິນບົດໃຫ້ລະອຽດ, ສະລັດ ຫອມລາບລ້າງນໍ້າໃຫ້ສະອາດ, ໝາກເຜັດນ້ອຍແຫ້ງຂົ້ວໃສ່ນໍ້າມັນໃຫ້ກອບ, ຫົວຜັກບົ່ວໃຫຍ່ຊອຍເປັນຕ່ອນນ້ອຍສີ່ລ່ຽມ, ຫອມບົ່ວແດງຊອຍ ເປັນຕ່ອນບາງປະໄວ້.
ວິທີປຸງ ສາຄູຍັດໃສ່
ເອົານໍ້າມັນໃສ່ໝໍ້ຄ້າງໄຟໃຫ້ຮ້ອນ, ເອົານໍ້າຕານລົງຈຽວໃຫ້ແດງ, ໃສ່ຫອມບົ່ວແຫ້ງພໍຫອມເອົາຊີ້ນໝູ ລົງຂົ້ວພໍສຸກ, ໃສ່ຫອມບົ່ວໃຫຍ່, ຖົ່ວດິນ, ນໍ້າມັນຫອຍ, ສະອິວ, ເກືອ, ໃຫ້ອອກລົດເຄັມຫວານ ຕາມດ້ວຍພິກໄທ ປົງໄວ້.
ນຳສາຄູມາມ່າໃສ່ນໍ້າປະມານ 10 ນາທີ ແລ້ວນຳຂຶ້ນມາປະໄວ້ໃຫ້ສະເດັດນໍ້າແລ້ວປັ້ນເປັນກ້ອນ ເອົາໃສ້ທີ່ຂົ້ວໄວ້ໃສ່ ເວລາຈະໜື້ງໃຫ້ເອົາໃບຕອງທານໍ້າມັນຮອງແລ້ວຈຶ່ງເອົາສາຄູໃສ່. ເອົານໍ້າໃສ່ໝໍ້ຄ້າງໄຟໃຫ້ຟົດ ແລ້ວຈຶ່ງນຳມາໜື້ງ ເວລາຮັບປະທານໃສ່ກັບຜັກສະລັດ, ຫອມລາບ, ໝາກເຜັດແຫ້ງ, ຫອມບົ່ວຈຽວ.
ສາຄູຍັດໃສ່