ເຄື່ອງປະກອບ : ສຳລັບ 4 ຄົນ
ເຄື່ອງປຸງນຳ້ສະລັດ
- ນຳ້ມັນງາ : 2 ບ່ວງແກງ
- ນຳ້ໝາກນາວ : 2 ບ່ວງແກງ
- ຜັກຊີ (ຊອຍ) : 2 ບ່ວງແກງ
- ໝາກງາຂາວ ແລະ ດຳ : 2 ບ່ວງແກງ
- ຂີງ (ຊອຍ) : 1 ບ່ວງແກງ
- ນຳ້ສະອີວ : 1 ບ່ວງແກງ
- ນຳ້ເຜີ້ງ : 1 ບ່ວງແກງ
- ກະທຽມ (ຊອຍ) : 1 ບ່ວງແກງ
ເຄື່ອງປະກອບສະລັດ
- ກຸ້ງໃຫຍ່ດິບ (ປອກ) : 16 ໂຕ
- ໝາກເຜັດຢວກເຫຼືອງ : 1 ໜ່ວຍ
- ຜັກບົ່ວໃຫຍ່ : 1 ຫົວ
- ໝາກເລັ່ນນ້ອຍຫວານ : 16 ໜ່ວຍ
- ສ໌ປາເກັດຕີ້ (ຮູບໂບ) : 350 g
ສະລັດສ໌ປາເກັດຕີ້ ແລະ ກຸ້ງເພົາ
ວິທີເຮັດ ສະລັດສ໌ປາເກັດຕີ້ ແລະ ກຸ້ງເພົາ
- ດັງຖ່ານເພື່ອປີ້ງກຸ້ງ.
- ປະສົມເຄື່ອງປຸງທຸກຢ່າງ ສຳລັບເຮັດນຳ້ສະລັດໃສ່ຊາມ.
- ເທນຳ້ສະລັດສ່ວນໜື່ງໃສ່ກັບຢາງ ເອົາກຸ້ງໃສ່ອັດຝາ ເອືອບປະໄວ້ໃນຕູ້ເຢັນ 10 ນາທີ.
- ຕົ້ມນຳ້ໃສ່ເກືອ ຝົດແລ້ວເອົາສ໌ປາເກັດຕີ້ລົງໃສ່ໝໍ້ ຕົ້ມໃຫ້ພໍສຸກ ແລ້ວຍົກອອກຈາກເຕົາ ເທໃສ່ຕະແກງ ເປີດນຳ້ເຢັນໃສ່ ແລ້ວປະໄວ້ໃຫ້ສະເດັດນຳ້.
- ເອົາໄມ້ສຽບກຸ້ງ ນຳໄປປີ້ງໃສ່ເຕົາຖ່ານ.
- ຊອຍໝາກເຜັດຢວກ ແລະ ຫົວຜັກບົ່ວເປັນຕ່ອນສີ່ຫຼ່ຽມນ້ອຍ, ໝາກເລັ່ນຜ່າເຄີ່ງ ແລ້ວເອົາໃສ່ຊາມນຳ້ສະລັດທີ່ກຽມໄວ້ ຄົນໃສ່ສ໌ປາເກັດຕີ້ ແລະ ກຸ້ງ ຈັດແຕ່ງໃສ່ຈານ ພ້ອມເສີບທັນທີ.