ປາປິ້ງຊົງເຄື່ອງ
ສ່ວນປະກອບ
- ປາໃນ: 1 ໂຕ
- ຫົວສີໃຄ: 1 ຫົວ ຊອຍບາງໆ
- ຫົວຜັກບົ່ວແດງ: 1 ຫົວ
- ໝາກເຜັດສຸກແດງ: 3 ໜ່ວຍ
- ໝາກແຂ່ນຕຳ: 1 ບ່ວງກາເຟ
- ຄະນໍຜົງ: 2 ບ່ວງກາເຟ (ຫລືໃຊ້ເກືອແລະນຳ້ຕານແທນກໍໄດ້)
- ນຳ້ຊີອິ້ວ: 1 ບ່ວງ
ວິທີເຮັດ ປາປິ້ງຊົງເຄື່ອງ
ເອົາ ປາໃນມາຜ່າຫຼັງແຜ່ອອກ, ເອົາບີອອກ, ເອົາຫົວສີໃຄຊອຍ ຫົວຜັກບົ່ວແດງ ໝາກເຜັດສຸກ ມາຕຳເຂົ້າກັນໃຫ້ແຫຼກພໍປະມານ, ເອົາໝາກແຂ່ນປົ່ນ ຄະນໍຜົງ ນຳ້ຊີອິ້ວ ລົງປະສົມເຂົ້າກັບຂອງທີ່ຕຳໄວ້ ແລ້ວເອົາສ່ວນປະສົມນີ້ໄປຫຍັດໃສ່ທ້ອງປາທີ່ແຜ່ອອກ.
ພັບປາເຂົ້າ ແລ້ວເອົາເກືອທາປາໃຫ້ທົ່ວທັງສອງຂ້າງ ແລ້ວເອົາໄປປິ້ງໃຫ້ຈົນສຸກ.ຫຼັງຈາກນັ້ນກໍເອົາໃສ່ຈານແຜ່ທ້ອງມັນອອກແລ້ວກິນກັບເຂົ້າໜຽວຮ້ອນໆ ໃຜວ່າບໍ່ແຊບຫ້າມກິນ.
