ເຄື່ອງປະກອບ
- ແຜ່ນກ້ຽວ: 1/2 ກິໂລ
- ຊີ້ນໝູຕິດມັນ: 0,3 ກິໂລ
- ເຫັດຫອມ: 10 ດອກ
- ມັນຝຣັ່ງ: 0,3 ກິໂລ
- ກາລົດ: 1 ຫົວ
- ຫອມບົ່ວໃຫຍ່: 1 ຫົວ
- ສະອິວ: 1 ບ່ວງແກງ
- ເກືອ: 1 ບ່ວງຊາ
- ພິກໄທ: 1 ບ່ວງຊາ
- ນຳ້ມັນສຳລັບຈືນ
- ໄຂ່ໄກ່: 1 ໜ່ວຍ
ທອດກ້ຽວ
ການກະກຽມ
ຊີ້ນໝູລ້າງນຳ້ໃຫ້ສະອາດຊອຍແລ້ວຟັກໃຫ້ແຫຼກ ເຫັດຫອມແຊ່ນຳ້ໃຫ້ອ່ອນຕັດຕີນອອກແລ້ວຊອຍເປັນຕ່ອນແລບໆ, ມັນຝຣັ່ງລ້າງແລ້ວຕົ້ມໃຫ້ສຸກປອກເປືອກອອກຕຳ່ໃຫ້ແຫຼກ, ກາລົດ, ຫົວຜັກບົ່ວໃຫຍ່ຊອຍບາງໆແລ້ວຕັດໃຫ້ສັ້ນ.
ວິທີປຸງ ທອດກ້ຽວ
ເອົາເຄື່ອງປະກອບທຸກຢ່າງມາລວມເຂົ້າກັນ ແລ້ວໃສ່ເຄື່ອງປຸງຄົນໃຫ້ເຂົ້າກັນ, ນຳເອົາແຜ່ນກ້ຽວມາຫໍ່ໃສ່ຊີ້ນທີ່ກຽມໄວ້ແລ້ວພັບສົ້ນ 4 ແຈເຂົ້າຫາກັນໃຫ້ເປັນລັກສະນະດອກໄມ້, ແລ້ວນຳໄປຈືນໃຫ້ສຸກຕັກອອກປະໄວ້ໃຫ້ສະເດັດນຳ້ມັນ ຮັບປະທານກັບແຈ່ວສົ້ມຫວານ.