ຊູບຫອມບົ່ວໃຫຍ່

ເຄື່ອງປະກອບ

• ຜັກບົ່ວໃຫຍ່: 1 ຫົວ
• ນຳ້ຕົ້ມກະດູກ: 5 ຖ້ວຍນ້ອຍ
• ແປ້ງສາລີ: 3 ບ່ວງແກງ
• ນົມສົດ: 2 ບ່ວງແກງ
• ເບີ: 3 ບ່ວງແກງ
• ເກືອ: 1 ບ່ວງຊາ
• ພິກໄທ: ¼ ບ່ວງຊາ

ວິທີປຸງ ຊູບຫອມບົ່ວໃຫຍ່

ຜັກບົ່ວໃຫຍ່ແກະກາບອອກລ້າງນຳ້ໃຫ້ສະອາດຊອຍບາງໆ. ແປ້ງສາລີກອຍໃສ່ນຳ້ຕົ້ມກະດູກໄວ້ ຫຼື ຈະຂົ້ວແປ້ງຜົງໃສ່ເບີເລີຍກໍ່ໄດ້, ຜັກບົ່ວຂົ້ວໃສ່ເບີໃຫ້ຫອມ.

ເອົານຳ້ຕົ້ມກະດູກໃສ່ໝໍ້ຄ້າງໄວ້ໃຫ້ຣ້ອນ. ເອົາແປ້ງທີ່ຂົ້ວໃສ່ເບີ, ເກືອ, ພິກໄທຜັກບົ່ວໃຫຍ່, ນົມສົດຄົນໃຫ້ເຂົ້າກັນແລ້ວປົງລົງຕັກໃສ່ຖ້ວຍຊູບມີຈານຣອງ ເສີບຣ້ອນໆ