ຈືນປາແຜ່ນ
ເຄື່ອງປະກອບ
- ເນື້ອປາ : 500 g
- ເຄື່ອງແກງເຜັດ (ນຳ້ໃຈ) : 2 ບ່ວງແກງ
- ໃບຂີ້ຫູດ (ຊອຍ) : 2 ໃບ
- ຜັກບົ່ວໃບ : 2 ຕົ້ນ
- ນຳ້ປາ : 1 ບ່ວງແກງ
- ນຳ້ໝາກນາວ : 1 ບ່ວງແກງ
- ຫອມປ້ອມ (ຊອຍແລບໆ) : 2 ບ່ວງແກງ
- ໝາກຖົ່ວຍາວ (ຊອຍສະຫຼຽງບາງໆ) : 30 g
- ໝາກເຜັດແດງສົດ (ຊອຍ) : 2 ໜ່ວຍ
- ນຳ້ມັນພືດ ສຳລັບຈືນ
ວິທີເຮັດ ຈືນປາແຜ່ນ
- ໃຊ້ແໜບດືງກ້າງປາອອກ ແລ້ວຕັດເປັນຕ່ອນ ບົດປະສົມກັບເຄື່ອງແກງ, ໃບຂີ້ຫູດ, ຜັກບົ່ວ, ນຳ້ປາ ແລະ ນຳ້ໝາກນາວ. ບົດບໍ່ໃຫ້ມຸ່ນຫຼາຍ. ເອົາເຄື່ອງປະສົມທີ່ບົດຄັ້ນໃສ່ ຫອມປ້ອມ, ໝາກຖົ່ວ ແລະ ໝາກເຜັດ.
- ປັ້ນເປັນກ້ອນມົນສະໝຳ່ສະເໝີ (ຈະໄດ້ 16 ກ້ອນ) ຫຼັງຈາກນັ້ນໃຊ້ອົ້ງມືຂົ່ມງ່ອຍໆເຮັດເປັນແຜ່ນ ເສັ້ນຜ່າສູນກາງ ປະມານ 5 cm (ກ່ອນປັ້ນໃຫ້ເອົາມືຈຸບນຳ້ ເພື່ອບໍ່ໃຫ້ຕິດ ວາງແຜ່ນໃສ່ຖາດ ບໍ່ໃຫ້ຕິດກັນ ເກັບໄວ້ໃນຕູ້ເຢັນ 1 ຊົ່ວໂມງ ເວລາຈືນຈື່ງບໍ່ແຕກ).
- ຈືນໃສ່ນຳ້ມັນທີ່ຮ້ອນ ປີ້ນໃຫ້ແຕ່ລະເບື້ອງເຫຼືອງ ແລະ ທາງໃນສຸກດີ ນຳໄປຢອງໃສ່ເຈ້ຍຊຸບມັນ. ເສີບກັບປ່ຽງໝາກນາວ ແລະ ນຳ້ແຈ່ວ ຄວນຮັບປະທານຕອນຮ້ອນໆ.