ຂົ້ວປາມຶກ
ເຄື່ອງປະກອບ
- ປາມຶກ: ½ ກິໂລ
- ຫົວຜັກບົ່ວໃຫຍ່: 1 ຫົວ
- ໝາກເຜັດຫວານ: 2 ໜ່ວຍ
- ຫົວຜັກທຽມແຫ້ງ: 1 ຫົວ
- ໝາກເລັ່ນ: 2 ໜ່ວຍ
- ເຊີເນີລີ: 2 ຕົ້ນ
- ນຳ້ມັນຫອຍ: 2 ບ່ວງແກງ
- ເກືອ: ½ ບ່ວງຊາ
- ນຳ້ປາ: 1 ບ່ວງຊາ
- ນຳ້ສະອິ້ວ: 1 ບ່ວງແກງ
- ແປ້ງມັນ: 1 ບ່ວງແກງ
- ພິກໄທ: ½ ບ່ວງຊາ
- ນຳ້ມັນພືດ: ½ ຖ້ວຍນ້ອຍ
ວິທີປຸງ ຂົ້ວປາມຶກ
ປາມຶກລ້າງນຳ້ໃຫ້ສະອາດ ຕັດເປັນຕ່ອນພໍດີ ແລ້ວ ເອົາມິກປາດໄຂ່ວກັນບໍ່ໃຫ້ຂາດ, ຜັກບົ່ວໃຫຍ່ຊອຍເປັນຕ່ອນພໍດີ, ຜັກທຽມແຫ້ງແກະກາບອອກທູບໃຫ້ແຕກພໍດີ, ໝາກເຜັດຫວານ, ໝາກເລັ່ນ, ເຊີເນີລີ ລ້າງນຳ້ໃຫ້ສະອາດ ຊອຍເປັນຕ່ອນພໍດີ.
ເອົານຳ້ມັນໃສ່ໝໍ້ຄ້າງໄຟໃຫ້ຮ້ອນ ເອົາຜັກທຽມລົງຈືນໃຫ້ເຫຼືອງຫອມ ແລ້ວ ເອົາປາມຶກລົງຂົ້ວພ້ອມດ້ວຍຜັກທີ່ຕຽມໄວ້ນັ້ນ, ໃສ່ເກືອ, ນຳ້ປາ, ນຳ້ສະອິ້ວ, ພິກໄທ, ນຳ້ມັນຫອຍຄົນໃຫ້ເຂົ້າກັນ, ກ່ອນຈະປົງລົງເອົາເຊີເນີລີລົງໃສ່ ຮັບປະທານຮ້ອນໆ.
