ຂະໜົມໄຂ່ນົກກະທາ
ເຄື່ອງປະກອບ
- ມັນດ້ານສີເຫຼືອງ 1 ກິໂລ
- ນຳ້ຕານ 0,3 ກິໂລ
- ເກືອ 1 ບ່ວງຊາ
- ແປ້ງສາລີ 40 ກະລາມ ຫຼື 1/2 ຖ້ວຍຕວງ
- ແປ້ງສິງກະໂປ 300 ກະລາມ
- ໄຂ່ໄກ່ 1 ໜ່ວຍໃຊ້ແຕ່ 2 ບ່ວງແກງ
- ນຳ້ມັນສຳລັບຈືນ
ວິທີປຸງ
ນຳມັນດ້ານມາລ້າງໃຫ້ສະອາດ ໜຶ້ງໃຫ້ສຸກ ປະໄວ້ໃຫ້ເຢັນ ປອກເປືອກອອກ ນຳມາໃສ່ອ່າງຍີ ໃຫ້ມຸ່ນ ຫຼື ຕຳໃຫ້ລະອຽດ ເອົາເສັ້ນກາງອອກ ແລ້ວໃສ່ນຳ້ຕານຄົນໃຫ້ເຂົ້າກັບແປ້ງສິງກະໂປ ແລະ ແປ້ງສາລີ, ເກືອ, ຮອນແລ້ວໃສ່ໄຂ່ຕີໃຫ້ເຂົ້າກັນຕໍ່ໄປ ປະມານ 20 ນາທີ ເພື່ອໃຫ້ສ່ວນປະສົມທຸກຢ່າງ ເຂົ້າກັນດີ ຈຶ່ງນຳມາປັ້ນເປັນກ້ອນມົນໆ ນຳໄປຈືນໃນນຳ້ມັນທີ່ຮ້ອນ ຖ້າໄຟແຮງທາງໃນຈະບໍ່ສຸກ ຖ້າ ໄຟອ່ອນເກີນໄປເຂົ້າໜົມຈະແຕກ.
